Balakəndə ölümlə nəticələnən ağır qəza

Balakəndə ölümlə nəticələnən yol qəzası olub. Hadisə rayonun Tülü kəndi ərazisində baş verib.

Hərəkətdə olan “Ravon” markalı minik avtomobilinin sürücüsü, 35 yaşlı Aruz Dinavasovun idarəetməni itirməsi nəticəsində nəqliyyat vasitəsi yoldan çıxaraq ağaca çırpılıb.

Nəticədə yanğın baş verib və sürücü də nəqliyyat vasitəsinin içərisində yanaraq dünyasını dəyişib.

Hadisə yerinə Fövqəladə Hallar Nazirliyinin yanğından mühafizə hissələrinin texnikaları cəlb olunub. Sürücünün meyiti aidiyyəti üzrə təhvil verilib.

Faktla bağlı araşdırma aparılır.