Başsız qoyduğu ailəsinin vəziyyətini görüb, qatil olan ata | SONUNCU ŞAHİD

Ata onunla birlikdə yaşamaq istəməyən qızını boğaraq qətlə yetirib.

Asəf Pənahov (adlar şərtidir) mağaza qarəti səbəbi ilə 3 il 6 aylıq həbs cəzasını çəkdikdən sonra azadlığa çıxır.

Evə qayıdan Asəf oğlunu içkili vəziyyətdə görür və evin acınacaqlı durumuna görə onu sorğu-suala tutur.

Əli atasına bacısı Xumarın evi tərk etdiyini, əşyaları sataraq gözəllik salonu açdığını və tək yaşadığını deyərək onu daha da qıcıqlandırır.

Asəf bu sözləri qəbul etmir və hər şeyi öz gözləri ilə görmək üçün qızını izləməyə qərar verir. O, Xumarı iş yerinə gedərkən və rəfiqəsi ilə görüşərkən izləyir, lakin həmin gün onunla danışmağa cəsarət etmir.

Evə qayıtdıqda Əli yenə içkili halda atası ilə kobud davranır və bu, Asəfin fikirlərini daha da qarışdırır.

Növbəti gün Asəf qızını stomatoloji klinikada yaxalayır və ondan evə qayıtmasını tələb edir.

Xumar isə atasının inadkarlığından bezərək birbaşa onun evinə gedir və illərlə hiss etdiklərini açıq şəkildə dilə gətirir.

Qızının “sən mənə ata olmamısan” sözləri Asəfi nəzarətini itirməyə məcbur edir və o, Xumarı boğaraq öldürür.