Hadisə
Pleyeri seçin:
Biri elə zərbə aldı ki… | Gəncləri xəstəxanalıq edən kütləvi davanın detalları
Lənkəranın Ürgə kəndində kütləvi dava baş verib.
Dava zamanı rayonun Nərimanabad qəsəbə sakinləri – 20 yaşlı Zakir Səfərzadə, 20 yaşlı Rüstəm Əhmədov, 13 yaşlı Yusif Əhmədzadə, Cəlilabad rayon sakini 21 yaşlı Nurlan Əlizadə və Lənkəranın Boladi kənd sakini 20 yaşlı Əli İsmayılov müxtəlif dərəcəli bədən xəsarətləri alaraq Rayon Mərkəzi Xəstəxanasına çatdırılıblar.
Yaralılara zəruri ilkin tibbi yardım göstərilib. Xəsarət alanlardan biri vəziyyətinə uyğun olaraq dərhal cərrahi əməliyyat olunub. Digər dörd nəfərin müalicəsi Təcili yardım şöbəsində davam etdirilir.
Məlumata görə, davaya səbəb Rüstəm Əhmədovun avtomobili yüksək sürətlə idarə etməsi olub. Qarşı tərəfin avtomobili saxlatdırıb irad bildirməsi ilə mübahisə başlayıb. Zakir Səfərzadə aldığı zərbənin təsirindən yıxılaraq yol kənarında olan dəmir məhəccərin üstünə düşüb və döş qəfəsi nahiyəsindən kəsici-deşici xəsarət alıb.
Kopyalandı
Seçilmişlər
