Bu sexdə çoxsaylı nöqsanlar aşkarlandı
Fövqəladə Hallar Nazirliyinin Dövlət Yanğın Nəzarəti Xidməti tərəfindən Sumqayıt şəhəri, Yəhya Məmmədov küçəsində yerləşən oksigen balonlarının doldurulması sexində keçirilən yoxlama zamanı yanğın təhlükəsizliyi sahəsində çoxsaylı nöqsanların olduğu, həmin nöqsanların insan həyatı və ya sağlamlığına, ətraf mühitə və dövlətin əmlak maraqlarına birbaşa təhlükə yaratdığı müəyyən edilib.
Bu barədə Fövqəladə Hallar Nazirliyi məlumat yayıb.
Bildirilib ki, yoxlama zamanı obyektdə avtomatik yanğınxəbərverici siqnalizasiya qurğusunun quraşdırılmadığı, obyektin ilkin yanğınsöndürmə vasitələri ilə təmin edilmədiyi, elektrik təsərrüfatının "Elektrik Qurğularının Quraşdırılması Qaydaları"nın tələblərinə uyğun quraşdırılmadığı, obyektdə "Yanğın təhlükəsizliyi Qaydaları"nın tələblərinə zidd olaraq sıxılmış və mayeləşdirilmiş qazla dolu oksigen balonlarının saxlanıldığı, obyektin ərazisinin quru ot və kol-kosdan təmizlənmədiyi aşkarlanıb.
Müəyyən olunub ki, obyektin istismarının davam etdirilməsi nəticəsində orada hər an baş verə biləcək yanğın qısa müddətdə genişlənərək faciəni qaçılmaz edəcək. Bu səbəbdən sexin fəaliyyətinin dayandırılması barədə qərar qəbul olunub və qərarın bir nüsxəsi obyektin nümayəndəsinə təqdim edilib.
#Fövqəladə Hallar Nazirliyi teqi istifadə olunub
- Binəqədidə çayxanada güclü partlayış | 3 nəfər xəsarət aldı
- "Qobu Park-1"də faciəvi hadisə | Bina sakinləri yaşadığı dəhşəti anbaan danışdı - Baku TV
- "Təkcə ərimi çıxara bildik oradan" | Fəryad edən sakinlər dəhşətli hadisəni danışdı - Baku TV
- Bakıda mühüm tədbir | Kəmaləddin Heydərov konfransda nələri açıqladı? - Baku TV
- Bakıda yanğın-xilasetmə xidmətləri rəhbərlərinin XXVI Beynəlxalq konfransı
