“Burada belə hadisə çox olur” | Məktəbə gedən bacı-qardaşın ölümünün dəhşətli detalları

Lənkəran rayonunda məktəblilərin ölümü ilə nəticələnən dəhşətli yol-nəqliyyat hadisəsi baş verib. Lənkəran-Lerik magistral yolunun Şovu kəndi ərazisindən keçən hissəsində hərəkətdə olan "Mercedes" markalı avtomobil məktəbə gedən iki azyaşlı piyadanı — 8 yaşlı Gülay Əlizadəni və onun qardaşı 11 yaşlı Ramid Əliyevi vurub. Hadisə şahidlərinin yardımı ilə yaralılar dərhal xəstəxanaya çatdırılmağa çalışılsa da, hər iki uşağın həyatını yolda itirdiyi məlum olub. Yerli sakinlər sözügedən ərazidə yol təhlükəsizliyi ilə bağlı ciddi problemlərin olduğunu və analoji qəzaların tez-tez baş verdiyini bildirərək narahatlıqlarını ifadə ediblər. Avtomobili idarə edən Vurğun Quluzadə barəsində qanunvericiliyə uyğun olaraq araşdırmalara başlanılıb. Baku TV hadisə yerindən ən son görüntüləri və faciənin təfərrüatlarını təqdim edir.