Canavarların hücum etdiyi kəndin sakinləri danışdı | Ucarda hadisə

Ucarın Qəzyan kəndinə canavarların hücum etməsi sakinlərin kabusuna çevrilib.

Belə ki, son günlər yırtıcıların mal-qaraya hücumu artıb.

Əsas məşğuliyyəti maldarlıq olan kənd sakinləri heyvanlarını örüş sahələrinə çıxarmaqdan çəkinirlər.

“Vəhşi heyvanlara görə malımızı çölə çıxara bilmirik. 2-3 heyvanımız var, onları da canavar yeyir”, – deyə kənd sakini qeyd edib.

Qeyd edək ki, sözügedən kənddə yırtıcı heyvanlar artıq 15-20 kənd sakininin mal-qarasına hücum edib.