Çay suları şəhərlə əlaqəni kəsdi | Şəkidə insanlar çətin vəziyyətdə

Şəkidə Əyriçayın daşması nəticəsində Qudula kəndi ilə əlaqə kəsilib.

Bir neçə gündür yağan leysan yağışları nəticəsində Şəkinin Qudula kəndi ərazisindən axan Əyriçay çayı daşıb.

Nəticədə sel suları Qudula kəndini magistral yolla birləşdirən avtomobil yolunu yuyub.

Hazırda Qudula kəndinin şəhər mərkəzi və ətraf kəndlərlə əlaqəsi kəsilib. Yolda hərəkət yalnız yük avtomobilləri və traktorlar vasitəsilə mümkündür.

Bundan başqa, sel suları kənddə bir neçə evin həyətyanı sahəsinə və şəxsi təsərrüfatlara da dolub.