Pleyeri seçin:
Çoxmərtəbəli yaşayış binasında yanğın | Sakinlər təxliyə edildi
Xırdalan şəhərində çoxmərtəbəli yaşayıb binasında yanğın baş verib.
Fövqəladə Hallar Nazirliyinin yaydığı məlumata görə, dərhal əraziyə Nazirliyin Dövlət Yanğından Mühafizə və Xüsusi Riskli Xilasetmə xidmətlərinin qüvvələri cəlb olunub.
Hadisə yerində əməliyyat şəraiti qiymətləndirilərkən yanğının 20 mərtəbəli yaşayış binasının 8-ci mərtəbəsində yerləşən mənzildə baş verdiyi müəyyən edilib.
FHN qüvvələrinin operativ müdaxiləsi sayəsində yanğın genişlənməsinə imkan verilmədən qısa müddətdə söndürülüb.
Yanğın nəticəsində ümumi sahəsi 110 kvadratmetr olan üçotaqlı mənzilin zalı 20 kvadratmetr sahədə yanıb. Digər otaqlar və qonşu mənzillər yanğından mühafizə edilib.
FHN qüvvələri tərəfindən təhlükəsizlik tədbirləri çərçivəsində bina sakinləri təxliyə olunub.
Kopyalandı
Seçilmişlər
