DİN Qarabağda çətənə plantasiyası aşkarladı

“Xocalı rayonunda kultivasiya yolu ilə əkilib-becərilmiş narkotik plantasiyası aşkarlanıb. Bu plantasiyada əsasən çətənə kolu yetişdirilib”.

Bunu Daxili İşlər Nazirliyinin (DİN) Mətbuat xidmətinin rəisi Elşad Hacıyev jurnalistlərə açıqlamasında deyib.

Bildirilib ki, antiterror tədbirləri ilə tamamilə Azərbaycan Ordusunun nəzarətinə götürülmüş ərazilərdə keçirilən tədbirlər nəticəsində bir çox yerlərdə, eləcə də Xocalı rayonu ərazisində 100 hektardan artıq narkotik plantasiyası aşkarlanıb: Hərbi hissələrdə narkotik tərkibli müxtəlif maddələr aşkarlanıb. Məlum olub ki, xidmətdə olan erməni hərbçilər narkotikdən istifadə ediblər".