Dövlət Gömrük Komitəsindən əməliyyat | Saxlanılanlar var

Azərbaycanda ölkənin aksiz markası ilə markalanmayan 268 000 manat dəyərində olan külli miqdarda tütün məmulatlarını qanunsuz realizə edən üç şəxsə qarşı həbs qətimkan tədbiri seçilib.

Bu barədə Dövlət Gömrük Komitəsi məlumat yayıb.

Bildirilib ki, Komitənin Əməliyyat-İstintaq Baş İdarəsi və Aksizli Mallar üzrə Baş Gömrük İdarəsinin əməkdaşları tərəfindən paytaxtın Pirallahı rayonunda keçirilən əməliyyat-axtarış tədbirləri nəticəsində "Ford" markalı nəqliyyat vasitəsindən və digər saxlanc yerlərində gizlədilən Azərbaycanın aksiz markası ilə markalanmayan külli miqdarda 268 000 manat dəyərində 837 600 ədəd müxtəlif növ tütün məmulatları aşkarlanıb.

Faktla bağlı Dövlət Gömrük Komitəsinin Əməliyyat-İstintaq Baş İdarəsində Cinayət Məcəlləsinin müvafiq maddələri ilə cinayət işi başlanıb. Qeyd olunan cinayət əməlini törətməkdə şübhəli bilinən 3 şəxs barəsində məhkəmənin qərarı ilə həbs qətimkan tədbiri seçilib.