Dövlət qurumları hərəkətə keçdi | Kəlbəcərdə nə baş verir?

Sosial şəbəkələrdə Kəlbəcərdə ölmüş heyvanların görüntüləri yayılıb.

Qeyd olunub ki, bu heyvanlar ovlanıb, sonra başları kəsilərək yola atılıb.

Ekologiya və Təbii Sərvətlər Nazirliyindən bildirilib ki, yayılan görüntülər Daxili İşlər Nazirliyinin Kəlbəcər Rayon Polis Şöbəsinin əməkdaşları ilə birgə yerində araşdırılır.

Daxili İşlər Nazirliyindən isə hadisəyə belə münasibət bildirilib: “Sözügedən görüntülərlə bağlı Kəlbəcər Rayon Polis Şöbəsində müvafiq araşdırmalara başlanılıb. İlkin baxış zamanı ərazidə hər hansı bir ov izi aşkarlanmayıb. Müvafiq ekspertiza təyin olunub, ekspertizanın rəyindən sonra heyvanların hansı səbəbdən tələf olması məlum olacaq”.