FHN-dən doğum evindəki yanğınla bağlı açıqlama | Hadisə yerindən görüntülər

"Səbail rayonu Neftçi Qurban küçəsində yanğın baş verməsi ilə bağlı 112 qaynar xəttinə çağırış daxil olub və dərhal əraziyə Fövqəladə Hallar Nazirliyinin (FHN) Yanğından mühafizə xidmətinin əməkdaşları cəlb edilib".

Bu barədə hadisə yerində olan Səbail rayon Dövlət Yanğından Mühafizə Hissəsinin rəisi, polkovnik Etibar Nəsirov məlumat verib.

O bildirib ki, təxminən 120 kvadratmetrlik ərazidə yanan taxta və məişət tullantıları briqadalar tərəfindən operativ qaydada söndürülüb:

"Yanğın qısa zamanda söndürülüb. Hadisə nəticəsində ölən və xəsarət alan olmayıb".