Pleyeri seçin:
Goranboyda dəhşətli qəza | TIR idarəetmədən çıxıb obyektə çırpıldı
Goranboyda yol nəqliyyat hadisəsi baş verib.
Hadisə Bakı-Qazax avtomagistralının rayonun Boluslu kəndi ərazisindən keçən hissəsində qeydə alınıb.
Türkiyə vətəndaşı 23 yaşlı Şimşək Tahanın idarə etdiyi yük avtomobili Qazax istiqamətində hərəkətdə olarkən idarəetmədən çıxaraq dəmir arakəsmələri qırıb yolun əks istiqamətində fəaliyyət göstərən iaşə obyektinə çırpılıb. Hadisə zamanı obyektin qarşısında dayanan minik avtomobili yük maşını ilə bərabər mağazaya çırpılıb. Qəza zamanı yük maşınının sürücüsü xəsarət alıb.
Yaralı dərhal Goranboy Rayon Mərkəzi Xəstəxanasına hospitalizasiya olunub. Ona belin küt travması diaqnozu təyin olunub. Hazırda müalicəsi Təcili və təxirəsalınmaz tibbi yardım şöbəsində davam etdirilir. Vəziyyəti kafi olaraq qiymətləndirilir.
Qeyd edək ki, hadisə zamanı mağazada xəsarət alan olmayıb.
Kopyalandı
#Goranboy teqi istifadə olunub
Seçilmişlər
