Goranboyda dəhşətli qəza | Xəsarət alanlar var

Andiçmə mərasiminə gedən Saatlı rayon sakinləri qəzaya düşüblər.

Hadisə Bakı-Qazax avtomagistralının Goranboy rayonu ərazisindən keçən hissəsində qeydə alınıb.

Hərəkətdə olan "Mercedes" markalı mikroavtobusun qarşısına digər avtomobil çıxıb. Bu zaman idarəetmədən çıxan mikroavtobus yol nişanına və beton maneəyə çırpılıb.

Qəza zamanı müxtəlif dərəcəli bədən xəsarətləri alan 4 nəfər Saatlı sakini Goranboy Mərkəzi Rayon Xəstəxanasına çatdırılıb. Yaralılara tibbi yardım göstərilib, daha sonra ambulator müalicəyə buraxılıblar.

Faktla bağlı araşdırma aparılır.