Goranboyda dəhşətli yol qəzası | Hadisə barədə təcili açıqlama

Goranboyda minik maşını mikroavtobusla toqquşub, 7 nəfər xəsarət alıb.

Hadisə Goranboy-Ağcakənd avtomobil yolunun rayonun Səfikürd kəndindən keçən hissəsində qeydə alınıb.

Toqquşma nəticəsində mikroavtobus yoldan çıxaraq işıq dirəyinə də çırpılıb. Minik maşını isə zərbənin gücündən deformasiya uğrayıb.

Hadisə nəticəsində xəsarət alan şəxslər Goranboy Rayon Mərkəzi Xəstəxanasına hospitalizasiya olunublar.

Xəstəxanadan bildirilib ki, yaralılara bədənin müxtəlif nahiyələrinin çoxsaylı travmaları diaqnozu təyin edilib:

“1980-ci il təvəllüdlü (kişi cinsli) şəxsin müalicəsi Goranboy Rayon Mərkəzi Xəstəxanasının Təcili tibbi yardım şöbəsində davam etdirilir. Digər 6 nəfərə zəruri tibbi yardım göstərildikdən sonra özəl tibb müəssisələrindən birinə təxliyə edilib”.

Məlumata görə, mikroavtobusda olanlar yas mərasimindən qayıdırlarmış.

Faktla bağlı araşdırma aparılır.