Pleyeri seçin:
Göyçayda əməliyyatdan sonra dünyasını dəyişən xəstənin ölüm səbəbi açıqlandı
Xəbərlərimizi Google-da izləyin
Yeniliklərdən dərhal xəbərdar olun
Göyçay Rayon Mərkəzi Xəstəxanasında ölüm hadisəsi qeydə alınıb.
Belə ki, rayon sakini 1961-ci il təvəllüdlü Sahib Rəşid oğlu Cavadov yanvarın 29-da həmin tibb ocağında əməliyyat olunub. Ayaq barmağındakı ağrı ilə əlaqədar cərrahi müdaxilə olunan şəxsin vəziyyəti qısa müddət sonra pisləşib və xəstə həyatını itirib.
Tibbi Ərazi Bölmələrini İdarəetmə Birliyindən Baku TV-nin sorğusuna cavab olaraq bildirilib ki, 63 yaşlı Sahib Cavadov əməliyyat zamanı dünyasını dəyişib.
“Sahib Cavadov həkim-travmatoloq tərəfindən “sol ayağın birinci barmağının distal falanqasının xroniki osteomieliti, barmağın fleqmonası, şəkərli diabet, tip 2, ağır forma, sol ayağın V barmağın qazanılma olmaması” diaqnozu ilə əməliyyata alınıb, əməliyyat zamanı "ağciyər arteriyasının trombemboliyası” diaqnozu ilə xəstə dünyasını dəyişib”, – xəstəxanadan bildirilib.
Qeyd edək ki, mərhum özü də xəstəxana əməkdaşı olub. S.Cavadov xəstəxananın Şüa və diaqnostika şöbəsində texnik vəzifəsində çalışırmış.
Hazırda faktla bağlı araşdırma aparılır.
Kopyalandı
Seçilmişlər
