Kim yandırdı, necə oldu, bilmirəm... | Meyvə köşkü yanıb, külə döndü

Avqustun 15-i günorta saatlarında Xətai rayonu, Nəsrəddin Tusi küçəsində yanğın baş verib.

Bu barədə Fövqəladə Hallar Nazirliyi məlumat yayıb.

Bildirilib ki, FHN-in “112” qaynar xəttinə 15:37 radələrində daxil olan məlumata əsasən, yanğın yerinə dərhal Dövlət Yanğından Mühafizə Xidmətinin qüvvələri cəlb olunub.

Hadisə nəticəsində 12 kvadratmetr sahəsi olan meyvə köşkü və ətrafındakı 60 kvadratmetr sahəni əhatə edən bağda yanğın baş verib. Yanğın dərhal söndürülərək digər yaşayış evlərinə keçməsinin qarşısı alınıb, ərzaq köşkü isə tamamilə yanıb.

Hadisə ilə bağlı zərərçəkən Baku TV-yə danışıb: “Məni çağırdılar, çıxan kimi alov hər yanı bürüdü, bilmədim nədən oldu. Kimin yandırdığını görə bilmədim. Məni çağırmasaydılar, bəlkə də, özüm də xəsarət almışdım. Burada mer-meyvə satırdım, çörəkpulu üçün işləyirdim”.