Lənkəranda avtomobil dirəyə çırpıldı | Hadisə yerindən görüntülər

Lənkəranda xəsarətlə nəticələnən yol qəzası olub. Hadisə iyunun 9-da rayonun Göyşaban kəndi ərazisində baş verib.

Viravul kənd sakini, 63 yaşlı Əlövsət Məmmədov idarə etdiyi “VAZ-2106” markalı avtomobillə hərəkətdə olarkən idarəetməni itirib və nəqliyyat vasitəsi yol kənarındakı elektrik dirəyinə çırpılıb.

Nəticədə sürücü Əlövsət Məmmədov və onun sərnişini, 77 yaşlı Şakir Həsənov xəsarət alaraq Lənkəran Rayon Mərkəzi Xəstəxanasına çatdırılıb.

Yaralılara zəruri ilkin tibbi yardım göstərilib, instrumental müayinələr olunub. Vəziyyətlərinə uyğun olaraq xəsarətalanlardan birinin müalicəsi travmatologiya şöbəsində, digərinin müalicəsi isə təcili tibbi yardım şöbəsində davam edir. Hazırda faktla bağlı araşdırma aparılır.

Qeyd edək ki, qəzada xəsarətalan Şakir Həsənov Birinci Qarabağ müharibəsində şəhid olan Rüfət Həsənovun atasıdır.