Masazırdakı ailə faciəsinin təfərrüatı | Qonşu tükürpərdici hadisədən danışdı
İyulun 7-də Masazır qəsəbəsində yerləşən Abşeron Gənclər Şəhərciyindəki mənzillərdən birində baş verən partlayışın təfərrüatları məlum olub.
Qonşunun sözlərinə görə, partlayışa qaz sızması səbəb olub. Belə ki, mənzildə qaz plitəsi çıxarılıb və ventili bağlanıb. Lakin uşaq hamama daxil olanda kombi ilə yanaşı, ventil də açılıb. Hadisə baş verən vaxt evdə təmir işləri aparılırmış. Ustanın siqaret yandırması nəticəsində partlayış baş verib.
Qeyd edək ki, hadisə zamanı evdə 4 nəfər olub. Evin böyük övladı yanğın baş verməzdən əvvəl hamamda olub və partlayış zamanı xəsarət almayıb. Elmi-Tədqiqat İnstitutunda tibb bacısı çalışan Günel Əliyeva, onun kiçik övladı Mehdi Əliyev və evdə usta kimi işləyən Günel Əliyevanın xalası oğlu Novruz Ağayev isə ağır yanıq xəsarətləri alaraq xəstəxanaya çatdırılıb.
Mehdinin və Novruz Ağayevin həyatını xilas etmək mümkün olmayıb. Günel Əliyeva isə övladının ölüm xəbərini eşidəndən sonra xəstəxanada dünyasını dəyişib.
#Masazır qəsəbəsi teqi istifadə olunub
- Masazırda baş verən qəza 3 yaşlı uşağın ölümü ilə nəticələndi - Baku TV
- Kameraya düşən təhlükəli anlar: Qırmızı işığı saymadı - 24 SAAT
- "Qəribə həşəratlar peyda olub" | Sakinləri təngə gətirən kanalizasiya problemi - Baku TV
- Bu şagirdlərin yaradıcılığı sizi heyrətləndirəcək | "Çox yoxladım, alınmamışdı, sonra..." - Baku TV
- "Hələ yaxşı ki, yağış yağanda gəlməmisiniz..." | Gəlib-getməyin əzaba çevrildiyi yollar - Baku TV
