Hadisə
Pleyeri seçin:
Məktəbdə baş verən bədbəxt hadisənin təfərrüatı
Xətai Tibb Mərkəzində qeyri-adi cərrahi əməliyyat icra edilib.
Xəstəxanaya gətirilmiş 10 yaşlı uşağın qarın boşluğuna batmış qapı dəstəyi çıxarılıb.
Məsələ ilə bağlı əməliyyatı icra edən uşaq cərrahı Pərviz Səmədov açıqlama verib.
O bildirib ki, uşağın qarnının ön divarında deşilmiş yara var idi, eyni zamanda bu yarada metal yad cisim görünürdü:
“Tərəfimizdən aparılan kliniki müayinələr nəticəsində müəyyən edildi ki, yad cisim dəri altında yerləşir. Tam əmin olmaq üçün laborator və instrumental müayinələr aparıldı. Həmçinin qarın boşluğunun ultrasəs və rentgen müayinələri keçirildi. Bir daha müəyyən edildi ki, yad cisim daxilə nüfuz etməyib, ancaq dərialtı toxumalarda yer alıb. Tərəfimizdən yad cisim oradan çıxarıldı və xəstəyə müvafiq yardımlar göstərildi. Azyaşlı 2 saat müvafiq şöbədə saxlanıldıqdan sonra kafi vəziyyətdə ambulator müalicəyə göndərildi”.
Kopyalandı
Seçilmişlər
