Mərhumun atası təfərrüatları danışdı: Şəkidə dəhşətli cinayət

Şəkidə yetkinlik yaşına çatmayan şəxs 35 yaşlı kişini yaşadığı evin yaxınlığında qətlə yetirib.

16 yaşlı yeniyetmə Tehran Mustafayevə kəsici-deşici alətlə xəsarət yetirərək öldürüb.

Tehran Mustafayevin atası bildirib ki, oğlu halva satışı ilə məşğul olub. Sözügedən yeniyetmə ailəsi ilə birlikdə mağaza işlədir. Oğlu Tehran da tez-tez həmin mağazaya gedərək alış-veriş edib. Nə baş veribsə, elə mağazada olub:

“İşdən gələndə oğlum mağazaya gedərək alver edib, çıxanda ayağı ilişib yıxılıb. Durub həmin yeniyetməyə bir şillə vurub. Sonra o da bununla “haqq-hesab” etməyə gəlib”.

Qeyd edək ki, qətli törətməkdə şübhəli bilinən yeniyetmə evin tək oğlu olub.

Faktla bağlı Şəki Rayon Prokurorluğunda Cinayət Məcəlləsinin müvafiq maddəsi ilə cinayət işi başlanılıb. Yeniyetmə şübhəli şəxs qismində tutulub. Hazırda ibtidai istintaq davam etdirilir.