Meyiti tapılan körpənin nənəsi fəryad edir | Sumqayıtda bədbəxt hadisə

Sumqayıtın Hacı Zeynalabdin qəsəbəsi ərazisində, dəniz sahilində uşaq meyiti tapılıb.

Araşdırma zamanı meyitin yaş yarımlıq Zeynəb Yeşilə aid olduğu müəyyən edilib. Meyitin əraziyə hansı şəraitdə və kim tərəfindən atıldığı məlum deyil.

Hadisə ilə əlaqədar əraziyə hüquq-mühafizə orqanlarının və aidiyyəti qurumların əməkdaşları cəlb olunub.

Qeyd edək ki, körpənin meyitini ərazidən keçən sakinlər görüb və polisə məlumat veriblər. Hazırda faktla bağlı Sumqayıt Şəhər Prokurorluğunda araşdırma aparılır.