Mingəçevirdə batdığı ehtimal edilən şəxsin axtarışları davam edir

İyunun 21-də Mingəçevir su anbarında batdığı ehtimal olunan Zaqatala rayon sakini Vüqar Həsənovun axtarışları davam etdirilir.

Fövqəladə Hallar Nazirliyindən verilən xəbərə görə, axtarış işləri Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri tərəfindən aparılır.

Qeyd edilib ki, axtarış-xilasetmə zonasının genişləndirilməsi və axtarış işlərinin daha da intensivləşdirilməsi məqsədilə Aviasiya dəstəsinin amfibiya təyyarəsi də işlərə cəlb olunub.