Mingəçevirdə bədbəxt hadisə | Mərhumun qonşusu danışdı

Fövqəladə Hallar Nazirliyi Mingəçevir su anbarında 1 nəfərin batması barədə məlumat yayıb.

Həyatını itirən şəxsin Mingəçevir şəhər sakini 35 yaşlı Sadiq Hüseynov olduğu müəyyənləşib.

Onun balıq tutmaq üçün Yevlaxa getdiyi və su anbarına düşdüyü bildirilib. Mərhumun meyiti Mingəçevirdə dalğıclar tərəfindən sudan çıxarılıb.

“Həmişə dənizdə olub, ondan inciyən adam mən görməmişəm. Yaxşı insan idi. 3 uşağı var, Allah onlara səbr versin”, – mərhumun qonşusu deyib.

Qeyd edək ki, su anbarında meyiti aşkarlanan Sadiq Hüseynov dəfn edilib. Hadisənin başvermə səbəbləri araşdırılır.