Nemət Pənahlı Avropa hotelinin yaxınlığında saxlanıldı

Səhər saatlarında Azərbaycan Milli Dövlətçilik partiyasının sədri Nemət Pənahlını dövlət yol polisi əməkdaşları saxlayıb.

DYP əməkdaşı 90-KM-590 dövlət nömrə nişanlı avtomobili idarə edən Nemət Pənahlıya Tbilisi prospekti, “Avropa” hotelinin yaxınlığında “saxla” əmri verib.

Hadisəni kənardan çəkən şahidlərin sosial şəbəkədə yazdıqları belədir.

Nemət Pənahlının avtomobili saxlanılıb: “Ehtimal ki, Nemət Pənahlı yol hərəkəti qaydalarını pozub. Polis əməkdaşı sənəd tələb etdi. Partiya sədri sənəd təqdim etmədi, mübahisə yaşandı. DYP əməkdaşı ilə Nemət Pənahlı arasında təxminən 15 dəqiqə söhbət oldu. Həmin ərazidə tıxac səbəbindən hadisəni sona qədər izləyə bilmədim”.

Onu da əlavə edək ki, sosial şəbəkədə Nemət Pənahlının saxlanılmasından daha çox onun bahalı maşını müzakirə olunub.

Bundan əlavə, siyasətçinin 4700 manat cərimə borcunun olduğu bildirilib.