Ögey atasını ürəyindən bıçaqladı

Mayın 8-i saat 21:50 radələrində Bakı şəhəri, Binəqədi rayonu, Rəsulzadə qəsəbəsi, Ağamalıoğlu küçəsi 7B ünvanında qətl hadisəsi baş verib.

Belə ki, Abbasov Elgün Nəbi oğlu aralarında yaranmış mübahisə zamanı ögey atası Mehdiyev Rahib Telman oğluna xəsarət yetirərək onu qəsdən qətlə yetirib.

Hadisə barədə danışan qonşunun sözlərinə görə, sözügedən şəxslər həmin ünvanda kirayədə qalırmış.

Faktla bağlı Binəqədi rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Elgün Abbasov iş üzrə şübhəli şəxs qismində saxlanılıb. Hazırda istintaq davam edir.