On gün komada qaldı, sonra isə belə xilas edildi | Həkimdən açıqlama

Abşeron rayonunda azyaşlı 12-ci mərtəbədən yıxılıb.

11 yaşlı uşaq möcüzə nəticəsində sağ qalıb. Hadisə Xırdalan şəhərində yerləşən binaların birində qeydə alınıb.

“Məktəbdən gətirib yeməyini verdim. Daha sonra digər övladımı həyətə düşürmək üçün hazırlaşdım. Bizimlə gəlmək istəsə də, qoymadım ki, qalıb istirahət etsin. Divanda uzandı, üstünü örtüb aşağı düşdüm. Mənə baxmaq üçün pəncərəyə yaxınlaşıb və yıxılıb”, – uşağın anası Röya Məhərrəmova hadisə barədə danışarkən deyib.

Qeyd edək ki, azyaşlı on gündən çox komada qalıb. Hazırda uşaq koma vəziyyətindən çıxıb və həyati təhlükə yaradan digər risklərdən xilas edilib. Azyaşlının müalicəsi davam etdirilir.