Parisdə atışma: Ölən və yaralananlar var

Fransanın paytaxtı Parisdə silahlı şəxsin atəş açması nəticəsində 2 nəfər ölüb, 4 nəfər yaralanıb.

Şahidlərin sözlərinə görə, Ahmet Kaya Mədəniyyət Mərkəzinin yaxınlığında 69 yaşlı naməlum şəxs şəhərin Engien küçəsində “Kolt 45” tipli tapançadan 7-8 dəfə atəş açıb.

Hücum faktının terrorla əlaqəsi olub-olmadığı hələ bilinməsə də, hadisə ilə bağlı araşdırma başlanıldığı açıqlanıb. Silahlı şəxs artıq saxlanılıb.

Məlumata görə, xəstəxanaya çatdırılan yaralılardan ikisinin vəziyyəti ağırdır.