Qobuda FHN-i hərəkətə keçirən hadisə | Təcili əməliyyat keçirildi

Qobu qəsəbəsi ərazisində hərbi sursatlar aşkar edilib.

Bu barədə Fövqəladə Hallar Nazirliyi məlumat yayıb. Bildirilib ki, nazirliyin minalardan təmizləmə üzrə çevik qrupu hadisə yerinə cəlb edilib.

Hüquq-mühafizə orqanı əməkdaşları ilə birgə ərazidə müvafiq təhlükəsizlik tədbirləri görüldükdən sonra hadisə yerinə baxış zamanı aşkar edilmiş sursatların döyüş tətbiqinə yararlı 5 ədəd F-1 əl qumbarası, 5 ədəd partladıcı, 5 ədəd 9 millimetrlik sursat, 25 ədəd 7,62 millimetrlik sursat, 1 ədəd güllə sandığı ilə birlikdə avtomat və 1 ədəd güllə sandığı ilə birlikdə “Makarov” tipli tapança olduğu müəyyən edilib.

Sursatlar ərazidən götürülərək kənarlaşdırılıb.