Quba sakinləri selin fəsadlarından danışdı

Quba rayonunun ucqar yaşayış məntəqəsi olan Qarxun kəndində bir neçə gündür yağan leysan yağışları sakinləri çətin vəziyyətə salıb.

Sakinlərin sözlərinə görə, güclü yağış təsərrüfatlara ciddi ziyan vurub.

“Sel üç qoyunumu aparıb. Evimi, bostanımı su basıb, kartofumu yararsız edib. Həyətim qumla dolub, təmizləmək mümkün deyil”, – kənd sakini söyləyib. Qeyd edək ki, ucqar dağ kəndlərində yağıntılar davam etdiyindən çaylarda yenə də sel gözlənilir.