"2 manatlıqdan 100 dənə aldıq, gecə gördük ki..." - Dəhşətə gətirən hadisənin səbəbi - Baku TV
Balakən rayonunun Xalatala kəndində yanğın baş verib.
Hadisə yardımçı tikili kimi istifadə olunan evdə qeydə alınıb.
Yanğın nəticəsində təxminən 35 kvadratmetr sahədə evin yanar konstruksiyaları sıradan çıxıb, müxtəlif məişət əşyaları, həmçinin 3 kisə yem yararsız hala düşüb, xeyli sayda ev quşu tələf olub.
“20-25 il idi ki, burada yaşayırdıq. Bir ilə yaxındır ki, köçmüşdük. Ev boş qalırdı, düşündük, heç olmasa, bir faydası olsun. Qərara gəldik ki, cücə saxlayaq. Yüz ədəd cücə aldıq. Gətirən kimi soba qurmaq mümkün olmadı, dedim, heç olmasa, lampa ilə içərini qızdıraram. Gecə iki-üç dəfə gəlib baxdıq, hər şey normal idi. Təxminən saat beşə işləmiş gəlib gördük ki, cücələr yanır. Bir-iki vedrə su tökəndə alov hər tərəfi bürüdü, söndürmək mümkün olmadı”, – deyə ev sahibi bildirib.
Yanğın Balakən Rayon Yanğından Mühafizə Hissəsinin əməkdaşları tərəfindən söndürülüb. Hadisənin başvermə səbəbləri araşdırılır.
#Balakən teqi istifadə olunub
- Balakəndə qısqanclıq cinayətə səbəb oldu - Baku TV
- Balakəndə bıçaqlanma hadisəsi: cinayət işi açıldı - CANLI
- Dərmanların qanunsuz keçirilməsinin qarşısı alındı | Balakən Gömrük İdarəsində əməliyyat - Baku TV
- "Gətirib atamı versinlər..." | Balakəndə faciəvi hadisə yaşandı
- Balakəndə qalmaqal | İcra başçısı və bu şəxslər niyə saxlanıldı?
