"Autizmli uşağını dəfələrlə təhqir edib" | 216 nömrəli məktəbdə nə baş verir?
Xəzər rayonundakı 216 nömrəli məktəbdə müəllimlərin məktəblinin gözü qarşısında əlbəyaxa olduğu görüntülər yayılıb.
İddialara görə, aralarındakı mübahisə fiziki qarşıdurmaya çevrilib. Hadisə müəllimlərdən biri tərəfindən mobil telefonla qeydə alınıb.
Baku TV məsələni aydınlaşdırmaq üçün sözügedən məktəbdə olub.
Şagird və valideynlərin sözlərinə görə, insident musiqi müəllimi Əfsanə müəllimənin öz övladı ilə birlikdə dərsə gəlməsi səbəbindən baş verib. İngilis dili müəllimi Sədaqət müəllimə buna etiraz edib və hadisəni videoya çəkib.
“Bunlara görə dərs keçə bilmirik. İngilis dili müəlliməsi Sədaqət müəllimə hər şeydən narazı biridir. Bizim heç vaxt Əfsanə müəllimədən və onun uşağından narazılığımız olmayıb”, – deyə şagirdlərdən biri bildirib.
Məktəbin müəllimi Lalə Aydınovanın sözlərinə görə, Sədaqət müəllimə Əfsanə müəlliməyə hücum çəkib, autizimli uşağına qarşı dəfələrlə təhqiramiz ifadələr işlədib:
“Sədaqət müəllimə hər dəfə “xəstə uşağı ilə məşğul olsun, xəstə uşağının dərdini çəksin” kimi ifadələr deyib. Bu, ilk hal deyil, dəfələrlə təkrarlanıb. O, məktəbdə baş verən prosesləri icazə almadan çəkir və şəxsi münasibətləri yaxşı olmadığı insanlara qarşı istifadə edir”.
Məsələ ilə bağlı Bakı şəhər üzrə Təhsil İdarəsindən bildirilib ki, qeyd olunan müəllimin şagirdlərin qarşısında da davam etdirilən uyğunsuz davranışları tədris prosesinin pozulmasına, müəllim nüfuzuna, məktəb mühitinə və uşaq hüquqlarına zidd hesab olunur:
“Pedaqoji kollektivin üzvləri aidiyyəti üzrə hüquq-mühafizə orqanlarına müraciət edəcək”.
#Xəzər rayonu teqi istifadə olunub
- Xəzər rayonunun şəhər xəstəxanasında travmatoloq problemi | "Yarım iş vahidində çalışır"
- Sərnişinlə dolu mikroavtobus maşınla toqquşdu | “İldə 4-5 ölüm hadisəsi olur bu yolda”
- İctimai yerdə etdikləri ilə gündəmi alt-üst edən qadınlar barədə təcili xəbər
- Xəzərdə dəhşətə gətirən qəza | FHN təcili hərəkətə keçdi
- Bakıda kilid altındakı tarixi məkan | "Qala içində qala"nın sirri
