"Sürücü çatdıra bilmədi ki..." | Bu yolda niyə tez-tez ölümcül qəza olur?

Piyada ölümü ilə nəticələnən yol qəzası baş verib.

Hadisə Lənkəran-Boradigah-Masallı magistralının Lənkəran rayonunun Girdəni kəndi ərazisindən keçən hissəsində qeydə alınıb.

Hərəkətdə olan "Mercedes" markalı maşın yolu keçmək istəyən kənd sakini 57 yaşlı Ruhəngiz Babayevanı vurub. Sakinlərin sözlərinə görə, ərazidə hər üç aydan bir qəza baş verir.

“Sürücünün dediyinə görə, sürəti 100 km/saat olub və o, maşını saxlaya bilməyib. Bu yol 3 kilometr uzunluğunda, düz yoldur. Buna görə də sürücülər sürət həddini aşırlar. Ərazidə ən azı üç radar quraşdırılmalıdır ki, bu halların qarşısı alınsın”, − deyə sakin əlavə edib.

Qeyd edək ki, hadisə yerinə çağrılan təcili tibbi yardım xidməti qadını Lənkəran Rayon Mərkəzi Xəstəxanasına çatdırmağa çalışsa da, həkiməqədər ölüm faktı qeydə alınıb.

Faktla bağlı araşdırma aparılır.