Quş əti emalı sexində zəhərlənmə | Prokurorluq araşdırmalara başladı - Baku TV
Ucarda kütləvi zəhərlənmə olub.
Hadisə rayon ərazisində yerləşən “Mərcan Broyler” MMC-yə məxsus quş əti emalı sexində qeydə alınıb.
İlkin məlumata görə, zəhərlənmənin qidadan baş verdiyi ehtimal olunur.
Dərhal əraziyə təcili tibbi yardım briqadasının əməkdaşları cəlb olunub və 14 nəfər rayon mərkəzi xəstəxanasına çatdırılıb. Həkimlər onların hər birinə ilkin tibbi yardım göstərib.
Hadisə ilə bağlı TƏBİB-dən Baku TV-nin sorğusuna cavab olaraq bildirilib ki, zəhərlənmə şübhəsi ilə 14 nəfər (3 kişi, 11 qadın) Ucar Rayon Mərkəzi Xəstəxanasının Təcili tibbi yardım şöbəsinə hospitalizasiya olunub:
“Pasiyentlərin hər birinə zəruri tibbi xidmətlər göstərilib. Vəziyyətləri qənaətbəxş qiymətləndirilən şəxslərin hər biri ambulator müalicə üçün evə buraxılıb”.
Faktla bağlı Ucar Rayon Prokurorluğunda araşdırma başlanılıb.
#Ucar teqi istifadə olunub
- "Həkimə aparanda bilmişəm ki, qızım hamilədir" | Ucarda 15 yaşlı yeniyetmə ana oldu - Baku TV
- "Oğuz eli var idi, bu da Oğuz gölüdür!" | Bərbad haldakı küçə | "Girməyə qorxurlar ki..." - Baku TV
- Ucarda həyətləri və zirzəmiləri su basdı - Baku TV
- Ucardakı yanğının anbaan görüntüləri | FHN hadisə yerində - Baku TV
- “Çığıra-çığıra qaçdıq, başıma daş düşdü” | 4 otaqlı ev yanaraq külə döndü - Baku TV
