Saatlıda bayram qonaqlığı faciə ilə bitdi | Qardaşı öldürülən şəxs hər şeyi danışdı - Baku TV
Saatlıda bayram qonaqlığı qanlı hadisə ilə nəticələnib.
Hadisə martın 22-də axşam saat 21:00 radələrində rayonun Fətəlikənd ərazisində yerləşən kənd kafelərindən birinin qarşısında baş verib. Aralarında yaranan mübahisə zəminində 49 yaşlı Rizvan Söhbətov qohumu, 50 yaşlı Rövşən Abdullayevə bıçaqla çoxsaylı xəsarətlər yetirib. Ürək nahiyəsindən ağır yaralanan Rövşən Abdullayev xəstəxanaya aparılarkən yolda vəfat edib.
Mərhumun qardaşı bildirib ki, tərəflər arasında əvvəlcə mübahisə yaranıb və onları ayırmaq mümkün olub:
“Axşam saatlarında aralarında mübahisə oldu. Mən də orada idim, onları araladım. Sonra Rizvan evinə getdi, biz də düşündük ki, məsələ bitdi. Lakin sonradan evdən bıçaq götürərək yenidən hadisə yerinə qayıdıb. Qardaşıma oturduğu yerdə 3 bıçaq zərbəsi vurub həyatına son qoydu”.
Qeyd edək ki, hadisəni törətməkdə şübhəli bilinən Rizvan Söhbətov Saatlı Rayon Polis Şöbəsinin əməkdaşları tərəfindən keçirilən əməliyyat tədbirləri nəticəsində saxlanılaraq istintaqa təhvil verilib. Faktla bağlı rayon prokurorluğunda cinayət işi başlanıb.
#Saatlı teqi istifadə olunub
- Saatlıda faciə: Yaşlı ər-arvad dəm qazından boğularaq öldü? - Baku TV
- Təcili yardımın belə keçə bilmədiyi yollar - 24 SAAT
- Saatlı sakinlərinin kabusuna çevrilən palçıqlı yollar | Problem nə vaxt həll olunacaq? - Baku TV
- Mövsüm meyvələrinin yığımından görüntülər
- "Sudan keçib gedib baxırdım ki..." | Narkotik əkən şəxs əməllərini etiraf etdi
