Hadisə
Pleyeri seçin:
Sabiq nazir Səlim Müslümovun əmlakları müsadirə olunacaq
Sabiq əmək və əhalinin sosial müdafiəsi naziri Səlim Müslümova hökm oxunub və o, 11 il müddətinə azadlıqdan məhrum edilib.
Bakı Ağır Cinayətlər Məhkəməsində baş tutan prosesdə həmin cəzanın 5 il sınaq müddəti olmaqla şərti hesab edilməsi barədə qərar verilib. Qərara əsasən, həmçinin sabiq nazirin əmlakları müsadirə ediləcək.
Qeyd edək ki, prokuror Səlim Müslümov barəsində şərti məhkumetmə maddəsinin tətbiqini, 5 il sınaq müddəti olmaqla 13 il şərti həbs cəzası verilməsini istəmişdi.
Xatırladaq ki, Səlim Müslümov Dövlət Təhlükəsizliyi Xidmətinin keçirdiyi əməliyyat nəticəsində həbs olunub. Daha sonra onun səhhətində problemlər yarandığı üçün ev dustaqlığına buraxılıb.
Sabiq nazirin rüşvət alma yolu ilə 14 milyon manata yaxın, mənimsəmə yolu ilə 8 milyon manata yaxın, israf etmə yolu ilə 8 milyon manat vəsaiti mənimsədiyi üzə çıxıb. Bundan sonra Səlim Müslümova məxsus mənzil, qeyri-yaşayış sahəsi və avtomobillərin üzərinə həbs qoyulub.
Kopyalandı
Seçilmişlər
