Şabranda partlayış: Ölən gəncin yaxınları danışdı

Şabranda Vətən müharibəsi iştirakçısı bədbəxt hadisə nəticəsində ölüb.

Hadisə rayonun Dəvəçi kəndindəki təkər təmiri sexində qeydə alınıb.

Belə ki, rayonun Ağalıq kənd sakini, 24 yaşlı Rəfail Əzimov yük avtomobilinin təkərini təmir edərkən partlayış baş verib. Nəticədə o, aldığı xəsarətlərdən hadisə yerində dünyasını dəyişib.

“O boyda odun-alovun içindən çıxdı, sağ-salamat gəldi, amma bədbəxt hadisənin qurbanı oldu”, – mərhumun dayısı deyib.

Faktla bağlı Şabran Rayon Prokurorluğunda araşdırma aparılır.