Sakinlər canlarını güclə qurtardı: Ərçivanlıların hər şeyi suda batdı

Havaların kəskin dəyişməsi nəticəsində Lənkərana güclü yağış yağıb.

Nəticədə bir sıra fəsadlar meydana gəlib. Belə ki, həyətləri su basıb, mal-qaranı sel aparıb.

Məsələ ilə bağlı Fövqəladə Hallar Nazirliyindən bildirilib ki, hazırda ərazilərə cəlb olunan qüvvələr Astara rayonunun Ərçivan, Maşxan kəndlərində və Lənkəran rayonunun Sütəmurdov kəndində həyətyanı sahələrdən suların çəkilməsi, eləcə də evlərdə köməksiz vəziyyətdə qalan şəxslərin təxliyəsini həyata keçirir: “Bu saata kimi təkcə Ərçivan qəsəbəsinin Şəhid Baba Qasımov küçəsində 27 nəfər təxliyə olunub".