Sərxoş dostunun etdiyini özünə sığışdıra bilmədi | Kef məclisində dəhşət - SONUNCU ŞAHİD

Oğlanların birgünlük kef məclisi faciə ilə nəticələndi.

Xəyal İsgəndərov və Zaur Sevdimalıyev (şərti adlar) Bakı şəhərinin qonşu məhəllələrində böyüyüb, məktəb illərindən dost olublar.

Günlərin birində Zaur hərbi xidmətdə yaşadıqlarını danışır, hərbidən yeni azad olunan Xəyal isə onu maraqla dinləyirdi. Söhbət zamanı Zaur cibində pul olmadığını deyir, Xəyal isə bunun problem olmadığını bildirir.

Daha sonra parkda gəzən dostlar skamyada oturaraq maddi çətinlikləri barədə danışırlar. Xəyal atasının ona pul vermədiyindən gileylənir, Zaur isə işsiz olduğunu və tezliklə iş tapmalı olduğunu deyir. Bir müddət sonra Xəyal onu kafeyə getməyə razı salır.

Kafeyə daxil olaraq vərdiş etdikləri kimi yeyib-içirlər. Sifarişi kafenin sahibi Gümrah qəbul edir. Məclis bitəndə hər ikisi sərxoş olur. Hesabı ödəyə bilməyən Xəyal Gümraha üstündə pul olmadığını deyir. Gümrah ona borcu ödəmək üçün üç gün möhlət verir. Xəyal Zauru da götürüb kafedən ayrılır.

Lakin iki gün sonra Zaur yoxa çıxır. O, zənglərə cavab vermir, evinə gedən Xəyala da heç kim qapı açmır. Xəyal dostunu hər yerdə axtarsa da tapa bilmir. Nəhayət, yenidən Gümrahın yanına qayıdıb vəziyyəti izah edir. Gümrah isə borcun ödənilməli olduğunu bildirir və polisə müraciət edəcəyini deyir.

Növbəti gün Xəyal əsəbi şəkildə Zauru axtarmağa çıxır. Onu görəndə üstünə gedir, Zaur isə qaçmağa çalışır.

Xəyal onu küncə sıxışdıraraq bıçaqla yaralayır və Zaur aldığı xəsarətlərdən həyatını itirir.