Sevgilisini qətlə yetirib daha sonra görün nə etdi | Xətaidə dəhşət

Aprelin 20-də Xətai rayonunda qətl hadisəsi baş verib.

Belə ki, Səbuhi Qürbətov tanışı, 22 yaşlı Elnarə Cabbarovanı bıçaqla qətlə yetirib, daha sonra isə özünə xəsarət yetirib.

Baku TV-nin əməkdaşı hadisənin baş verdiyi ərazidə olub.

Hadisə şahidinin sözlərinə görə, uşaqlarla həyətdə durarkən “kömək edin” qışqırıq səslərini eşidiblər:

“Baxdıq gördük ki, xanımın arxasınca bir oğlan qaçır. Oğlan qızı güdürmüş. Arxadan yaxınlaşıb, bıçaq zərbəsi endirib. Sevgili olublar. Sonra ayrılıblar. Oğlan qıza “barışmasan, öldürəcəyəm” deyib”.

Baş Prokurorluqdan bildirilib ki, Səbuhi Qürbətov saxlanılıb və hazırda ona polis müşayiəti altında xəstəxanada tibbi yardım göstərilir.

Faktla bağlı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq ibtidai istintaq aparılır.