Tanınmış həkimə qarşı ağlasığmaz əməl | Bakıdakı qalmaqallı hadisənin detalları

“Caspian International” Hospitalın bir qrup vəzifəli şəxsinin həkimlərdən birinin bank hesabına köçürülmüş vəsaiti oğurlaması barədə bəzi xəbər saytlarında məlumat yayılıb.

Bildirilib ki, xəstəxananın vəzifəli şəxsləri işdən çıxmış həkimin əməkhaqqının köçürüldüyü bank kartını ondan xəbərsiz bloklatdıraraq yenisini sifariş ediblər. Daha sonra həmin kart vasitəsilə həkimin hesabındakı 11 min manat məbləğində pulu ələ keçiriblər.

Məlumata görə, kartından pul oğurlanan şəxs tanınmış mama-ginekoloq Aytən Səfərovadır. Aytən Səfərova “Caspian International” Hospitaldakı işindən ötən ilin dekabr ayında ayrılıb. O, işdən çıxdıqdan sonra kartına 11 min manat köçürülüb.

Bir müddət sonra Aytən Səfərova kartında olan vəsaiti nağdlaşdırmaq istəyib. Lakin məlum olub ki, onun kart hesabı bloklanıb. Sifariş verilən yeni kartdan ona məxsus vəsait nağdlaşdırılıb.

Faktla bağlı cinayət işi başlanıb, hadisə üzrə araşdırma aparılır.