Türkiyədə yenidən iki böyük zəlzələ baş verdi

Türkiyənin Kahramanmaraş və Hatay vilayətində yeraltı təkanlar baş verib.

Kahramanmaraşdakı zəlzələnin maqnitudası 4,1, dərinliyi 7 km olub. Həmçinin Hatayda da yenidən güclü yeraltı təkanlar qeydə alınıb. 9,7 km dərinlikdə yerləşən zəlzələ 5 bal gücündə olub.

Qeyd edək ki, fevralın 20-də də Hatayda ard-arda 6,4, 5,8 və 4,3 maqnitudalı güclü təkanlar baş verib. Ümumilikdə Türkiyədə fevralın 6-da baş verən iki güclü zəlzələnin ardınca 8 500-dən çox afterşok meydana gəlib.