Ucarda qandonduran hadisə | Qohumların davası faciə ilə bitdi

Ucarda bıçaqlanma hadisəsi baş verib.

Hadisə rayonun Qaradağlı kəndində qeydə alınıb.

Belə ki, aralarında yaranan şəxsi münasibətlər zəminində kənd sakini, 64 yaşlı Səməndər Həşimov öz qardaşı oğlu, 26 yaşlı Yasin Həşimova bıçaqla xəsarət yetirib.

Yaralı dərhal Ucar Rayon Mərkəzi Xəstəxanasına aparılıb. Xəstəyə ilkin tibbi yardım göstərildikdən sonra Cərrahiyyə şöbəsinə köçürülüb. Hazırda Reanimasiya şöbəsindədir, vəziyyəti ağır stabil olaraq qiymətləndirilir.

Qeyd edək ki, hadisəni törədən Səməndər Həşimovun içkili vəziyyətdə olduğu bildirilib. Faktla bağlı Ucar Rayon Polis Şöbəsində araşdırma aparılır.