Xətai rayonunda dəhşətə gətirən qətl | Hadisə yerindən anbaan görüntülər - Baku TV

Bakının Xətai rayonunda qətl hadisəsi baş verib.

İlkin məlumata görə, hadisə ötən gün axşam saatlarında rayon ərazisində yerləşən yaşayış binasının zirzəmisində qeydə alınıb.

Belə ki, 39 yaşlı Sabir Camalov ilə 35 yaşlı Orxan Yusubov arasında yaranan mübahisə qanla nəticələnib.

İddialara görə, Sabir Camalov mübahisə zamanı üzərində gəzdirdiyi bıçaqla Orxan Yusubova çoxsaylı xəsarətlər yetirib. Hadisəni törətdikdən sonra şübhəli şəxs ərazidən qaçıb.

Yaralı aldığı xəsarətlərə baxmayaraq hadisə yerindən uzaqlaşmağa çalışıb. O, yaxınlıqdakı avtomobilin üzərinə yıxılıb. Hadisə şahidləri dərhal təcili tibbi yardım briqadasını çağırıblar. Həkimlərin göstərdiyi tibbi yardıma baxmayaraq, Orxan Yusubov hadisə yerində həyatını itirib.

Cinayəti törətməkdə şübhəli bilinən Sabir Camalov polis əməkdaşları tərəfindən saxlanılıb.