Xırdalanda yaşayış binasında pilləkən çökdü | Problem nə vaxt həll olunacaq?

Xırdalan şəhəri, 26-cı məhəllə, bina 1-in blokunda pilləkən çöküb. Nəticədə sakinlərin giriş-çıxışı məhdudlaşıb.

Sakinlər bildirirlər ki, hadisə sentyabrın 1-i axşam saat 7 radələrində baş verib. Nəticədə 10 mənzilin sakinləri çıxılmaz vəziyyətdə qalıb. Kustar üsulla hazırlanan materiallarla gediş-gəliş bərpa olunub.

Məsələ ilə bağlı Abşeron Rayon İcra Hakimiyyəti və müvafiq qurumların əməkdaşları tərəfindən hadisə yerinə baxış keçirilib, sakinlərin təhlükəsiz hərəkətini təmin etmək məqsədilə müvəqqəti keçid sifariş verilib. Fövqəladə Hallar Nazirliyi tərəfindən rəy təqdim edildikdən sonra təmir-bərpa işlərinə başlanılacaq.