Xocavənddə fermada xeyli partlayıcı qurğu və maddə aşkarlandı

Xocavənddə Ermənistan istehsalı olan partlayıcı sursatlar aşkarlanıb.

Qurğular rayonun Xocavənd kəndi ərazisində şərab zavodunun yaxınlığında yerləşən yaşayış binasına aid olan ferma tipli tikilidə tapılıb.

Bu barədə Minatəmizləmə Agentliyindən məlumat verilib.

Belə ki, ANAMA əməkdaşları tərəfindən həyata keçirilən əməliyyatlar zamanı qeyd olunan ərazidə improvizə olunmuş partlayıcı qurğular və maddələr, güclü partlayış törətmək üçün hazırlanmış elektrik və qeyri-elektrik detonatorlarından ibarət xeyli sayda partlayıcı yüklər, habelə Ermənistan istehsalı olan D1 markalı əl qumbaralarından istifadə edilərək quraşdırılmış improvizə edilmiş partlayıcı qurğular aşkarlanaraq zərərsizləşdirilib, ərazinin təhlükəsizliyi təmin edilib.