Pleyeri seçin:
Yanan evdən oğurluq edildi | Zərərçəkən hadisənin qəsdən törədildiyini iddia edir - Baku TV
Şəkidə fərdi yaşayış evi yanıb.
Hadisə rayonun Baş Göynük kəndində Fazil Əhmədova məxsus 4 otaqlı evdə qeydə alınıb. Yanğın nəticəsində ümumi sahəsi 190 kvadratmetr olan evin yanar konstruksiyaları içindəki əşyalarla birlikdə yanıb.
Hadisə yerinə cəlb olunan Şəki Dövlət Yanğından Mühafizə Hissəsinin yanğınsöndürən texnikaları və şəxsi heyəti tərəfindən yanğının yaxınlıqdakı tikililərə keçməsinin qarşısı alınıb.
Ev sahibinin iddiasına görə, hadisə qəsdən tamah məqsədilə törədilib. Evdən pul və qızıl-zinət əşyalarının oğurlandığı bildirilir.
Daxili İşlər Nazirliyinin Mətbuat Xidmətinin Şəki regional qrupundan bildirilib ki, Şəkinin Baş Göynük kəndində yerləşən fərdi yaşayış evində yanğın baş verməsi və sonradan oğurluq edilməsi iddiaları ilə bağlı ərazi üzrə polis orqanında araşdırmalar davam etdirilir.
Kopyalandı
Seçilmişlər
