Hadisə
Pleyeri seçin:
Yasamalda qəza | Avtomobil işıqfora çırpıldı, sonra isə...
Bakının Yasamal rayonu, Abbas Mirzə Şərifzadə və Əsəd Əhmədov küçələrinin kəsişməsində yol-nəqliyyat hadisəsi baş verib.
Daxili İşlər Nazirliyinin Nəqliyyatı İntellektual İdarəetmə Mərkəzindən verilən məlumata görə, hadisə zamanı piyada işıqforu yararsız hala düşüb.
Məlumatda həmçinin cari ilin əvvəlindən bu vaxta qədər avtomobil qəzaları nəticəsində 20-dən çox işıqforun sıradan çıxdığı qeyd edilib. Mərkəzin əməkdaşları tərəfindən həmin işıqforların yenisi ilə əvəz edilməsi istiqamətində qısa vaxt ərzində işlər görülüb.
“Ancaq yararsız vəziyyətə düşən işıqforların yenisi ilə əvəz edilməsinin bir neçə gün çəkdiyini nəzərə alsaq, təbii ki, qəzalar zamanı yaranan bu problemdən əziyyət çəkən elə sürücülərin özləri və piyadalar olur. Buna görə də bir daha bildiririk ki, sürücülər xüsusilə də yol kəsişmələrinə daxil olduqda sürət həddinə və işıqforun tələblərinə ciddi əməl etsinlər”, – deyə məlumatda bildirilib.
Kopyalandı
Seçilmişlər
