Yevlaxda bir ailənin 5 üzvü qazdan zəhərləndi

Yevlaxda 5 nəfər dəm qazından zəhərlənib.

Onlar bir ailənin üzvləri olublar. Hadisə şəhərin Nüşabə küçəsi 11 ünvanında baş verib.

Zərərçəkənlər təcili yardım briqadası ilə Yevlax Rayon Mərkəzi Xəstəxanasına çatdırılıblar.

“Qaz içəri dolub, xəbərimiz olmayıb. Gecə saatlarında böyük nəvəm su istədi. Su içdiyi vaxt anası gördü ki, uşaq yıxılır. Uşaqdan sonra digər nəvəm, gəlinim, yoldaşım, ən axırda da mənim halım pisləşdi”, – ailə üzvü deyib. Hadisənin başvermə səbəbləri araşdırılır.