“Yola çıxanda artıq canavar xanımı...” | Yasa gedən Şəki sakinləri dəhşət yaşadı - Baku TV

Şəkidə canavar 5 nəfərə xəsarət yetirib. Hadisə rayonun Bideyiz kəndində baş verib.

Belə ki, 5 yaşlı uşaq anası ilə birlikdə yas mərasiminə gedərkən kolluq ərazidən qəfil çıxan canavar onlara hücum edib. Uşağı xilas etmək istəyən ana da hadisə zamanı xəsarət alıb. Ana və uşaq kənd sakinləri tərəfindən xilas ediliblər.

Canavarın hücumu zamanı kənd sakinləri – 27 yaşlı Nazilə Qurbanova, 49 yaşlı Sevinc Qurbanova, 52 yaşlı Gündüz Lətifov, 27 yaşlı Fariz Lətifov və 5 yaşlı Zaur Qurbanov xəsarət alıblar. Xəsarət alan şəxslər dərhal xəstəxanaya yerləşdiriliblər.

Şəki Rayon Mərkəzi Xəstəxanasından bildirilib ki, dekabrın 21-də saat 22:50 radələrində Şəki Rayon Mərkəzi Xəstəxanasının Təcili tibbi yardım şöbəsinə canavar dişləməsi səbəbilə 5 nəfər hospitalizasiya olunub. Müxtəlif bədən xəsarətləri alan pasiyentlərə zəruri tibbi yardımlar göstərilib.

Hazırda vəziyyətləri orta ağır olan 2 nəfərin müalicəsi müvafiq şöbədə davam etdirilir. Vəziyyəti qənaətbəxş qiymətləndirilən 3 nəfər isə ambulator müalicə üçün evə buraxılıb.